fbpx
राष्ट्रिय समाचार

गौशाला प्रहरीमा प्रहरी महानिरीक्षकको छड्के

३ जेठ, काठमाडौं । प्रहरी महानिरीक्षक सर्वेन्द्र खनालले महानगरीय प्रहरी वृत्त, गौशालाको आकस्मिक निरीक्षण गरेका छन् ।

शुक्रबार दिउँसो खनाल गौशाला प्रहरी वृत्तमा पुगेर आकस्मिक निरीक्षण गरेका हुन् ।

प्रहरी प्रधान कार्यालयका अनुसार निरीक्षणका क्रममा खनालले कार्यालयको वातावरण नागरिकमैत्री हुनुपर्ने बताए । उनले आफूले ल्याएको समुदाय–प्रहरी साझेदारी कार्यक्रम अनुरूप सेवाग्राहीले महसुस गर्ने गरी छिटो सेवा प्रवाह गर्नुपर्नेमा जोड दिए ।

साथै, नागरिकमैत्री सेवा प्रदान गर्न पनि निर्देशन दिए । अपराध तथा अपराधीविरुद्ध कानुनी कठोरताका साथ कार्य सम्पन्न गर्न पनि उनले निर्देशन दिए ।